ගජනායක ආරච්චිගේ සමුදිත ධනංජය සිරිවර්ධන හෙවත් ධනංජය සිරිවර්ධන, යනු ශ්රී ලංකා සිනමාවේ, වේදිකාවේ සහ රූපවාහිනියේ නළුවෙකි. කලාකරුවන්ගේ පවුලකින් පැවත එන ධනංජය රූපවාහිනී නිවේදකයෙක් ද වේ.
ධනංජය සිරිවර්ධන Dhananjaya Siriwardena | |
|---|---|
| Born | ගජනායක ආරච්චිගේ සමුදිත ධනංජය සිරිවර්ධන |
| Occupations | නළුවා, රූපවාහිනී නිවේදකයෙක් |
| Years active | 2004–වර්තමාන |
| Spouse | ශෂිනි සිරිවර්ධන |
| Children | 1 |
| Father | සුනිල් සිරිවර්ධන |
| Relatives | මධුමාධව අරවින්ද (සහෝදරයා) චන්ද්රිකා සිරිවර්ධන (නැන්දා) ඇන්ටන් අල්විස් (මාමා) |
| Awards | හොඳම නළුවා හොඳම නැගීඑන නළුවා |
පෞද්ගලික ජීවිතය
ඔහුගේ පියා සුනිල් සිරිවර්ධන සංගීතඥයෙක් සහ ශ්රී ලංකාවේ කීර්තිමත් ගී පද රචකයෙක් වන අතර මව සුසිරි සිරිවර්ධන ද ගීත රචකයෙකි. ඔහුගේ වැඩිමහල් සහෝදරයා මධුමාධව අරවින්ද ද ජනප්රිය ගායකයෙක්, නළුවෙක් මෙන්ම දේශපාලනඥයෙක්.
ධනංජය විවාහ වී සිටින්නේ ශෂිනි සමඟයි. ඇය ඩුබායි හි ගුවන් සේවිකාවකි. ධනංජයට ශෂිනිව මුලින්ම මුණගැසෙන්නේ 2005 වසරේ ඉන්දික මල්ලවාරච්චිගේ ඡායාරූප රූගත කිරීමකදී. මෙම යුවළට එක් දියණියක් සිටින අතර ඇය 2020 ජූලි 1 වන දින උපත ලැබුවාය.
ධනංජයගේ සීයා වන පීටර් සිරිවර්ධන දක්ෂ සංගීතඥයෙක් සහ රංගන ශිල්පියෙක්. ඔහු පොල්ගොල්ල රජයේ කාන්තා අභ්යාස විද්යාලයේ සංගීතය පිළිබඳ කථිකාචාර්යවරයකු ලෙස සේවය කළේය. ධනංජයගේ මිත්තණිය ශ්රීමතී කරුණා දේවි සංගීත ගුරුවරියක් මෙන්ම නිළියක් ද වූවාය. ධනංජයගේ නැන්දා වන චන්ද්රිකා සිරිවර්ධන ද ජනප්රිය ගායිකාවක් සහ පසුබිම් ගායිකාවක්. ඇය විවාහ වී සිටියේ මාධ්යවේදියෙකු මෙන්ම ගීත රචකයෙකු වූ ඇන්ටන් අල්විස් සමඟයි. ඇන්ටන් 2018 මාර්තු 26 වන දින වයස අවුරුදු 64 දී මිය ගියේය. චන්ද්රිකාගේ මිනිබිරිය දුල්ෂාරා දසන්ති ද ගායිකාවකි.
වෘත්තීය ජීවිතය
2004 දී, ධනංජය අශෝක හඳගම විසින් අධ්යක්ෂණය කරන ලද සහ YA TV විසින් නිෂ්පාදනය කරන ලද මේ පාරෙන් එන්න හි ප්රධාන ධාරාවේ නළුවෙකු ලෙස තම රූපවාහිනී ගමන ඇරඹීය. මෙම නාට්යයේ ඔහුගේ රංගනය වෙනුවෙන් 2005 වසරේ සමාරම්භක රයිගම් ටෙලීස් උළෙලේදී හොඳම නළුවා ලෙස සම්මානයට පාත්ර විය. ඔහුගේ මංගල සිනමා රංගනය පැමිණියේ කේ.ඒ විජේරත්න අධ්යක්ෂණය කළ කුමාර කන්යාවි හරහාය.
ඔහු ‘‘ප්රාණ’’ නමින් රංග කලා පන්ති පවත්වයි.2008 දී ඔහු ශ්රී ලංකාවේ ප්රථම ඩිජිටල් චිත්රපටය වන හෙටවත් මට ආදරය කරන්න හි රඟපෑවේය. මෙම චිත්රපටය ඩයලොග් ටෙලිවිෂන්හි Citi Hitz චන්ද්රිකා චිත්රපට නාලිකාව හරහා 2008 පෙබරවාරි 14 වන දින වැලන්ටයින් දිනයේ විකාශය විය.
ටෙලි නාට්ටය
- අමරපුරය
- නුවන්ගනා
- පිපෙන මල්
- මගේ ආදර අවනඩුව
- මයුර අසපුව
- රතු අහස
- සඳ පිනි බිඳක
- සංසාර සක්මන
චිත්රපටකරණය
| වසර | චිත්රපටය | භූමිකාව | Ref. |
|---|---|---|---|
| 2008 | හෙටවත් මට ආදරය කරන්න | ||
| 2012 | කුමාරි කන්යාවි | ||
| 2016 | පුතණ්ඩියා | කපිල | |
| 2017 | අලි කතාව | රජ | |
| 2018 | ඇලඩින් සහ පුදුම පහන | ඇලඩින් | |
| 2020 | ද හෝන් | තෝමස් | |
| 2020 | රූකඩ පැංචි | මාමා | |
| 2023 | කදිර දිව්යරාජ | කාමදේව | |
| 2024 | ගෞතම බුද්ධ මාතා | ආනන්ද තෙරුන් | |
| 2025 | මදර් ලංකා | ||
| TBD | කිඩ්නැප් | ||
| TBD | මලකි දුවේ නුඹ |
සම්මාන සහ නාමයෝජනා
| Year | සම්මානය | සම්මාන උළෙල | ප්රතිඵලය |
|---|---|---|---|
| 2004 | හොඳම නළුවා | රයිගම් ටෙලීස් 2005 | දිනාගති |
| 2007 | රාජ්ය සම්මාණ | රාජ්ය සම්මාන 2007 | දිනාගති |
| 2010 | කුසලතා සම්මාන | සුමති සම්මාන 2010 | දිනාගති |
| 2010 | ජූරි සම්මාන | සුමති සම්මාන 2010 | දිනාගති |
| 2012 | ජනප්රියම නළුවා | සුමති සම්මාන 2012 | දිනාගති |
විකිපීඩියා, විකි, විශ්වකෝෂය, පොත, පුස්තකාලය, ලිපිය, කියවීම, නොමිලේ බාගත කිරීම, ධනංජය සිරිවර්ධන පිළිබඳ තොරතුරු, ධනංජය සිරිවර්ධන යනු කුමක්ද? ධනංජය සිරිවර්ධන යනු කුමක් දර්ශනය කරන්නේ?