මරියතුමිය යනු, නාසරෙත් නුවර පළමුවන සියවසෙහි ජීවත්වූ යුදෙව් ජාතික කාන්තාවක් වන අතර, එතුමිය ජුසේතුමාගේ භාර්යාව සහ ජේසුස් වහන්සේගේ මෑණියන් වෙති. එතුමිය, ක්රිස්තියානි ආගමෙහි වැදගත් තැනැත්තියක් වන අතර , කන්යා මරියතුමිය හෝ රැජිණ වැනි විවිධ අභිධානයන් භාවිතයෙන් වන්දනයට පාත්ර වන අතර, එයින් බොහෝමයක් ලොරේටෝ නුවානය තුල සඳහන් වෙයි. නැගෙනහිර සහ පෙරදිග ඕර්තඩොක්ස්, කතෝලික, ඇංග්ලිකානු, මෙතෝදිස්ත, සහ ලූතරයානු සභාවන් විශ්වාස කරනුයේ ජේසුස් වහන්සේගේ මෑණියන් වශයෙන්, මරියතුමිය, දේව මෑණියන් බවයි. නැගෙනහිර සභාව විසින් ඓතිහාසිකව එතුමිය සැලකුවේ ක්රිස්තු ධාරිනිය ලෙසින් වන අතර, මෙම පදය වර්තමානයේදීද නැගෙනහිර ඇසිරියානු සභාවෙහි ජනවන්දනාවෙහි භාවිතා වෙයි.මරියතුමිය පිළිබඳ අනෙකුත් ප්රොතෙස්තන්ත අදහස් වෙනස් වන අතර, සමහරෙක් එතුමියව අඩු මට්ටමක තබා සලකති. සමස්ත කාන්තාවන් අතර එතුමියට ඉස්ලාම් දහමෙහි උසස්ම ස්ථානය දානය කර ඇති අතර කුරානය තුල බොහෝ වාරයක් එතුමිය පිළිබඳව සඳහන් කර, එතුමිය වෙනුවෙන්ම නම්කෙරුණු පරිච්ඡේදයක් එහි අඩංගු වෙයි.බහායි විශ්වාසය සහ ඩුරොස් විශ්වාසය තුලද එතුමියට නමස්කාර සිදු කෙරෙයි.
මරියතුමිය | |
|---|---|
මදෝන්නා ඩෙල් රොසාරියෝ (ප. 6වන සියවස හෝ එයට පෙර), සමහරවිට, රෝමයෙහි ඇති මරියතුමියගේ පැරණිතම මූර්තිය. | |
| උපත | ප. ක්රිපූ 18 හෙරෝදියානු ජුදයාව |
| මියගිය දිනය | ප. 33 ක්රිව පසුව |
| කලත්රයා(යන්) | ජුසේතුමා |
| දරුවන් | ජේසුස් වහන්සේ |
| දෙමව්පියන්(s) | ජොකායිම් සහ ආනා මුනිවරිය (සමහරක් අසම්මත ලියැවිලි පරිදී) |
මතෙව්තුමා සහ ලූක්තුමා විසින් මරියතුමිය විස්තර කරනුයේ කන්යාවක් ලෙසින් වන අතරශුද්ධාත්මයාණන් වහන්සේ මගින් ජේසුස් වහන්සේ පිළිසිඳ ගැනීම සඳහා දෙවියන්වහන්සේ විසින් එතුමිය තෝරා ගනු ලැබීය. බෙත්ලෙහෙමෙහිදී ජේසුස් වහන්සේට උප්පත්තිය ලබා දීමෙන් පසුව, එතුමිය සහ එතුමියගේ ස්වාමිපුරුෂයා වූ ජුසේ තුමා විසින් ජේසුස් වහන්සේව ඇතිදැඩි කලේ ගලීලයෙහි නාසරෙත් නුවරෙහි වන අතර, ජේසුස් වහන්සේගේ කුරුසියෙහි ඇණ ගැසීම සිදුවන විට, එතුමිය ජෙරුසලෙමෙහි සිටි අතර ජේසුස් වහන්සේගේ ස්වර්ගාරෝහණයෙන් පසුව, අපොස්තුළුවරුන් සමගද සිටියාහ. එතුමියගේ පසුකාලීන දිවිය පිළිබඳව බයිබලයෙහි විස්තර කර නොතිබුණද, රෝමානු කතෝලික, නැගෙනහිර ඕර්තඩොක්ස්, සහ සමහරක් ප්රොතෙස්තන්ත සම්ප්රදායයන් විශ්වාස කරන්නේ එතුමියගේ මෙලොව ජීවිතය අවසානයෙහි, එතුමියගේ දේහය ස්වර්ගය වෙත ඔසවනු ලැබූ බව වන අතර, බටහිර ක්රිස්තියානි ආගමෙහි මෙය හැඳින්වෙන්නේ මරියතුමියගේ ස්වර්ගාරෝපණය ලෙසින් වන අතර, නැගෙනහිර ක්රිස්තියානි ආගමෙහි එය හැඳින්වෙන්නේ දේව මෑණියන්ගේ නින්දට පත්වීම හා සමාන මරණය ලෙසිනි.
ක්රිස්තියානි ආගමෙහි මුල් අවදියෙහි සිටම මරියතුමිය වන්දනාවට පාත්රවූ අතර, සහ බොහෝවිට සලකනු ලබන්නේ ශුද්ධවන්තම සහ උසස්ම සාන්තුවරයා වශයෙනි. ප්රධාන ක්රිස්තියානි සම්ප්රදායයන් තුල මරිය වේද ධර්මයෙහි සහ ඇදහිල්ල පිළිබඳ වතාවත්හී කිසියම් විවිධත්වයක් තිබේ. එතුමියගේ නිර්දෝෂ පිළිසිඳීම සහ ශාරිරික වශයෙන් එතුමියගේ ස්වර්ගාරෝපණය යන්නාවූ සවිශේෂණ මරිය වේද ධර්ම නියාමක කිහිපයක් පිළිබඳ ගැඹුරු විශ්වාසයක් කතෝලික සභාව විසින් උගන්වයි. එතුමිය පිළිබඳ බොහෝ සාම්ප්රදායික ධර්ම නියාමක සඳහා බයිබලීය ආධාරක ප්රත්යක්ෂ ලෙසින් හිඟවීම මත පදනම් කරගෙන බොහෝ ප්රොතෙස්තන්තවරු දරන්නේ, මරියතුමිය පිළිබඳව උත්කර්ෂවත් නොවන මතයකි.
මරියවේද ඇදහිලි වල බහුවිධ ආකාර අතර යාච්ඤා සහ ගීතිකා, ජනවන්දනාවෙහි බොහෝ මරියවේද මංගල්යය දිනයන් පැවැත්වීම, රූප සහ ශුද්ධවූ ධාතු වන්දනා කිරීම, එතුමිය වෙනුවෙන් කැපකරඇති දේවස්ථාන ගොඩනැගීම සහ මරියවේද සිද්ධස්ථානයන්ට වන්දනාගමන් යෑම ආදිය ඇතුලත් වෙයි. මරියතුමියගේ දර්ශනය වීම් බොහෝමයක් සහ එතුමියගේ මැදිහත් වීම වෙත ආරෝපණය කරනු ලැබුවාවූ ප්රාතිහාර්යයන් බොහෝමයක් සියවස් ගණනාවක් මුළුල්ලෙහි විශ්වාසකයන් විසින් වාර්තා කර ඇත. සංගණ්ය වශයෙන් බයිසැන්ටයින් කලාවෙහි, මධ්යතන කලාවෙහි සහ පුනරුද කලාවෙහි එතුමිය සාම්ප්රදායික කලා වස්තු විෂයයක් වූවාය.
නම් සහ අභිදාන
නව ගිවිසුමෙහි මුල් අත් පිටපත් තුල මරියතුමියගේ නම පදනම්ව තිබුණේ එතුමියගේ මුල් ඇරමයික් නම מרים, වර්ණී පරිවර්තනය මේරියම් හෝ Mariam පදනම්වය. මේරි යන ඉංග්රීසි නම පැමිණ ඇත්තේ ග්රීක Μαρία වෙතින් වන අතර, එය Μαριάμ නමෙහි කෙටි ආකාරයකි. Μαρία සහ Μαριάμ යන නම් දෙකම, නව ගිවිසුමෙහි සඳහන් වෙයි.
ක්රිස්තියානි ආගමෙහි
ක්රිස්තියානි ආගමෙහි, මරියතුමිය සාමාන්ය වශයෙන් කන්යා මරියතුමිය ලෙසින් ව්යවහාර වන්නේ, "එතුමියගේ පුත්රයා [ජේසුස් වහන්සේ] උපත ලද තුරු" එතුමිය හා විවාහ ගිවිසගත් ජුසේතුමා සමග ලිංගික සම්බන්ධතා ඇති නොකර ගෙන, ශුද්ධාත්මයාණන් වහන්සේගේ අනුහසින් එතුමියගේ පළමු-උපන් පිරිමි දරුවා ජේසුස් වහන්සේ, විස්මයජනක ලෙස පිළිසිඳ ගැනීම සිදුවූ බවට විශ්වාසය පදනම් කරගෙනය. "උපත ලද තුරු" යන වචන වෙතින් මෙහිදී සැලකියයුතු තරම් විශ්ලේෂණයක් පොළඹවන ලද්දේ, ජුසේතුමා සහ මරියතුමිය විසින් ජේසුස් වහන්සේගේ උපතෙන් පසුව සහෝදර සහෝදරියන් උපදවන ලද්දේද නැද්ද යන බවය.
ඇංග්ලිකානුවන්, ලූතරයානුවන් සහ අනෙකුත් ප්රොතෙස්තන්තවරුන්, මෙන්ම මෝර්මන්වරුන්, කතෝලිකයන්, ඕර්තඩොක්ස්වරුන් සහ අනෙකුත් ක්රිස්තියානිවරුන් අතරද මරියතුමිය සඳහා භාවිතා වන අභිදාන විවිධ වෙති.
ආදර මරිය තුමිය යනු අපට ගැලවීම ලබා දුන් ජේසුස් වහන්සේගේ අම්මා ය. ආනා මුනිශ්වරිය මරිය තුමියගේ මව වේ. එතුමියත් දෙවියන් වහන්සේ කෙරෙහී දැඩි භක්තියකින් හා විශ්වාසයෙන් සිටි අයකි. මෙතුමියව අපි විවිධ නම් වලින් හදුන්වයි. වික්ෂෝප දේව මෑනියෝ, පාතිමා දේව මෑනියෝ, මඩු දේව මෑනියෝ, ලූර්දු දේව මෑනියෝ යන නම් මීට නිදසුන් වේ. දේව මාතාවන් අපි මෙතරම් උසස් කොට සලකන්නේ එතුමිය එදා දෙවියන් වහන්සේගේ කැදවීම ප්රතික්ෂේප නොකර එය පිළිගැනීම, එතුමිය තුළ තිබූ සුවිශේෂී ගුණාංග නිසා ය. භක්තිය, ඉවසීම, යාච්ඤා කිරීම, විශ්වාසය, සරල බව මෙතුමිය තුළ තිබූ සුවිශේෂී ගුණාංග වේ.
හීබ්රව් බසින් විශිෂ්ටත්වය යන අරුත් දනවන මිරියාම් [තහවුරු කර නොමැත], අරාබි බසින් (මේරියම්), සහ මධ්යතන යුගයේ සිට මැඩෝනා' (අප ස්වාමිදුව) ලෙස හදුන්වයි.
සටහන්
- එකල පැවති විවාහය සබැඳි යුදෙව් චාරිත්ර සහ, ජේම්ස්තුමාගේ සුබාරංචිය නම් අසම්මත සුබාරංචිය පරිදී, ජුසේතුමාට ඇයගේ විවාහ ගිවිසගැනීම සිදුවන විට, මරියතුමිය, වසර 12–14 වියැති විය. එමනිසා එතුමියගේ උපත සිදුවූ වර්ෂය, ජේසුස්වහන්සේගේ එම දිනය හා ආපතික වන අතර , සමහරක් විසින් සුළු වශයෙන් වෙනස් දිනයන් ප්රකාශ කරතත් ( මෙයියර්ගේ දින වන ප. 7 හෝ ක්රිපූ 6 වැනි) සාමාන්ය සම්මුතිය විසින් දැක්වෙන්නේ ජේසුස්වහන්සේගේ උපත සිදුවූයේ ප. 4 ක්රිපූ ලෙස වන අතර, එම නිසා, මරියතුමියගේ උපත සිදුවූයේ ක්රිපූ ප. 18 ලෙස සැලකෙයි.
- හීබෲ: מִרְיָם, romanized: Mīryām; Classical Syriac: ܡܪܝܡ, romanized: Maryam; අරාබි: مريم, romanized: Maryam; පුරාතන ග්රීක: Μαρία, romanized: María; ලතින්: Maria; කොප්ටික්: Ⲙⲁⲣⲓⲁ, romanized: Maria
- පුරාතන ග්රීක: παρθένος, romanized: "parthénos"; මතෙව් 1:23 ග්රීක parthénos, "කන්යාව", ඉසයියා 7:14 තුල හීබ්රෑ බසින් දැක්වෙන, යන්න නව ගිවිසුම විසින් ප්රදර්ශනශීලි ලෙසින් හුවා දක්වන්නේ, Almah – "තුරුණු දාසිය" ලෙසිනි. See article on parthénos in Bauercc/(Arndt)/Gingrich/Danker, A Greek-English Lexicon of the New Testament and Other Early Christian Literature.
- මෙම කරුණ පිළිබඳ සබීනා ආර්. හිබ්නර්ගේ සංක්ෂිප්ත විශ්ලේෂණය බලන්න: " මතෙව් 1:25 සහ ලූක් 2:7 තුල, ජේසුස් වහන්සේ විස්තර කෙරෙන්නේ මරියතුමියගේ 'කුළුඳුලෙන් උපන් පුත්රයා' ලෙසිනි. මෙම වචන තුලින් පමණක් අපට නිගමනය කල හැක්කේ පසුව උපන් පුත්රයන් සිටි බවය ... පවුල සමන්විත වූයේ ... අවම වශයෙන් පුත්රයන් පස් දෙනෙක් වෙතින් සහ නොදන්නා සංඛ්යාවක් දූවරුන් වෙතිනි."
මූලාශ්ර
- "Catholic Encyclopedia: St. Joseph". Newadvent.org. 27 June 2017 දින පැවති මුල් පිටපත වෙතින් සංරක්ෂිත පිටපත. සම්ප්රවේශය 30 September 2013.
- මෙයියර්, ජෝන් පී. (1991). අ මාර්ජිනල් ජූ: ද රූට්ස් ඔෆ් ද ප්රොබ්ලම් ඇන්ඩ් ද පර්සන්. යේල් විශ්වවිද්යාලයීය මුද්රණාලය. pp. 235, 318. ISBN 978-0-300-14018-7.
- තොම්සන්, ඒ. කීත් (2020). "ද කැරැක්ටර් ඇන්ඩ් නොලේජ් ඔෆ් මේරි, ද මදර් ඔෆ් ක්රයිස්ට්". ඉන්ටර්ප්රිටර්: අ ජර්නල් ඔෆ් ලැටර්-ඩේ සේන්ට් ෆේත් ඇන්ඩ් ස්කොලර්ෂිප්. 36: 110. ISSN 2372-126X.
- රිචඩ්, ෆ්රාන්ස් (2011). "ද බර්ත් ඔෆ් ජීසස්". In හොල්මන්, ටොම්; පෝර්ටර්, ස්ටැන්ලි ඊ. (eds.). හෑන්ඩ්බුක් ෆො ද ස්ටඩි ඔෆ් ද හිස්ටොරිකල් ජීසස්. බ්රිල්. p. 2376. ISBN 978-90-04-16372-0.
- මෙයියර්, ජෝන් පී. (1991). අ මාජිනල් ජූ: ද රූට්ස් ඔෆ් ද ප්රොබ්ලම් ඇන්ඩ් ද පර්සන්. යේල් විශ්වවිද්යාලයීය මුද්රණාලයය. p. 407. ISBN 978-0-300-14018-7.
- සැන්ඩර්ස්, ඊ. පී. (1993). ද හිස්ටොරිකල් ෆිගර් ඔෆ් ජීසස්. ඇලන් ලේන් පෙන්ගුයින් මුද්රණාලයය. pp. 10–11. ISBN 978-0-14-192822-7. 18 අප්රේල් 2017 දින පැවති මුල් පිටපත වෙතින් සංරක්ෂිත පිටපත. සම්ප්රවේශය 1 සැප්තැම්බර් 2022.
- "කැතලික් එන්සයික්ලොෆීඩියා: ටූම්බ් ඔෆ් ද බ්ලෙසඩ් වර්ජින් මේරි". නිව් ඇඩ්වෙන්ට්. සම්ප්රවේශය 2 ජනවාරි 2023.
- "ටූම්බ් ඔෆ් මේරි: ලොකේෂන් ඇන්ඩ් සිග්නිෆිකන්ස්: ඩේටන් විශ්වවිද්යාලයය, ඔහායෝ". udayton.edu. සම්ප්රවේශය 2 ජනවාරි 2023.
- බ්රවුන්, රේමන්ඩ් එඩ්වඩ්; ෆිට්ස්මයර්, ජෝසෆ් ඒ.; ඩොන්ෆ්රයිඩ්, කාල් පෝල් (1978). මේරි ඉන් ද නිව් ටෙස්ටමන්ට්. NJ: පෝලිස්ට් මුද්රණාලයය. p. 140. ISBN 978-0809121687. 17 අගෝස්තු 2021 දින පැවති මුල් පිටපත වෙතින් සංරක්ෂිත පිටපත. සම්ප්රවේශය 23 පෙබරවාරි 2021.
...consonant with Mary's Jewish background
- "ලිටර්ජි ඔෆ් ද ඇසිරියන් චර්ච් ඔෆ් දි ඊස්ට්".
- කුරානය 3:42; ස්ටෝවසා, බාර්බරා ෆ්රෙයර්, "මේරි" තුල උපහරණය කර ඇති, එන්සයික්ලොෆීඩියා ඔෆ් ද කූරාන් තුල, පොදු සංස්කාරක: ජේන් ඩම්මෙන් මැකෝලිෆ්, ජෝර්ජ්ටවුන් විශ්වවිද්යාලයය, වොෂිංටන් ඩීසී.
- ජේ. ඩී. මැකෝලිෆ්, චෝසන් ඔෆ් ඕල් විමෙන්.
- ජෙස්ටිස්, ෆිලිස් ජී. හෝලි පීප්ල් ඔෆ් ද වර්ල්ඩ්: අ ක්රොස්-කල්චරල් එන්සයික්ලොෆීඩියා, වෙළුම 3. 2004, ISBN 1-57607-355-6, p. 558 Sayyidana Maryam. සංරක්ෂණය කළ පිටපත 2020-07-27 at the Wayback Machine.
- Bowman, Glenn (2012). Sharing the Sacra: The Politics and Pragmatics of Intercommunal Relations Around Holy Places. Berghahn Books. p. 17. ISBN 9780857454867.
- Matthew 1:23
- Isaiah 7:14
- Bauercc/(Arndt)/Gingrich/Danker, A Greek-English Lexicon of the New Testament and Other Early Christian Literature, 2nd ed., University of Chicago Press, 1979, p. 627.
- මාක් මිරාවල්, රේමන්ඩ් එල්. බර්ක්; (2008). මේරියොලොජ්: අ ගයිඩ් ෆො ප්රීස්ට්ස්, ඩීකන්ස්, සෙමිනේරියන්ස්, ඇන්ඩ් කොන්සික්රේටඩ් පර්සන්ස්, ISBN 978-1-57918-355-4, පි. 178.
- මේරි ෆො ඉවෑන්ජලිකල්ස් බයි ටිම් එස්. පෙරී, විලියම් ජේ. ඒබ්රහම් 2006 ISBN 0-8308-2569-X පි. 142
- "මේරි, ද මදර් ඔෆ් ජීසස්." ද නිව් ඩික්ෂනරි ඔෆ් කල්චරල් ලිටරසි, හවුටන් මිෆ්ලින්. බොස්ටන්: හවුටන් මිෆ්ලින්, 2002. ක්රීඩො රෙෆරන්ස්. වෙබ්. 28 සැප්තැම්බර් 2010.
- Hillerbrand, Hans J. (15 January 2004). The Encyclopedia of Protestantism (ඉංග්රීසි බසින්). Taylor & Francis. ISBN 978-0-203-48431-9.
- "මේරි", අ ඩික්ෂනරි ඔෆ් ෆර්ස්ට් නේම්ස් පැට්රික් හෑන්ක්ස්, කේට් හාඩ්කාස්ට්ල් සහ ෆ්ලේවියා හොජර්ස් විසින් (2006). ඔක්ස්ෆර්ඩ් විශ්වවිද්යාලයීය මුද්රණාලය. ISBN 0198610602.
- Matthew 1:25
- සබීනා ආර්. හිබ්නර්, පපායිරයි ඇන්ඩ් ද සෝෂල් වර්ල්ඩ් ඔෆ් ද නිව් ටෙස්ටමන්ට් (කේම්බ්රිජ් විශ්වවිද්යාලයීය මුද්රණාලය, 2019), පි. 73. ISBN 1108470254
විකිපීඩියා, විකි, විශ්වකෝෂය, පොත, පුස්තකාලය, ලිපිය, කියවීම, නොමිලේ බාගත කිරීම, මරියතුමිය (ජේසුස් වහන්සේගේ මෑණියෝ) පිළිබඳ තොරතුරු, මරියතුමිය (ජේසුස් වහන්සේගේ මෑණියෝ) යනු කුමක්ද? මරියතුමිය (ජේසුස් වහන්සේගේ මෑණියෝ) යනු කුමක් දර්ශනය කරන්නේ?